Pratique de la rose pour juger les marées.

Trouver lheure quil sera plaine mer à tout lieu proposé en congnoissant les jours de lune et la scituation du havre, il faut mettre lalidade nommée lune sur le rumb de vent ou gist le havre Et lalidade nommée Soleil monstrera sur le cercle des heures à quelle heure il sera plaine mer. Exemple Ayant dix jours de lune les marées estant Est Nord Est, quelle heure est il à plaine mer, mettez lalidade nommée lune sur Est Nord Est, et la lidade nommée Soleil sur les dix jours de Lune, Icelle lidade nommée Soleil nous monstrera quil sera douze heures et demie à plaine mer, nottez que en touttes les opérations de ladicte rose, c'est lalidade nommée Soleil qui vous monstre lheure. Pour trouver comme vous les marées en congnoissant les jours de la lune et l'heure de la plaine mer, en un havre où les marées sont Sud Sud Est et Nord Ouest, J'ay veu quil estoit plaine mer à deux heures trois quar, je désire scavoir combien on avoit de jours de lune, il convient mettre lalidade nommée lune sur le Sud Est ou sur le Nordouest, et la lidade nommée Soleil sur l'heure de 2 heures trois quarts et Icelle lidade nommée Soleil se reposera sur le septiesme jour de la Lune et un peu davantage. Description des cercles de ladicte roze Le cercle intérieur monstre le nombre dor pour vingt huict années, le second cercle monstre lepacte pour le mesme temps. Le troise monstrera la lectre dominicalle, le quatriesme monstre vingt huict années commenceant en lan mil six cens trente et finissant en lan mil six cens trente neuf ( sic ! il faut lire sans doute 59) Le cinqe monstre les jours de la lune, le sixiesme les rumbs, demy rumbs et quarts de vents, le septiesme monstre les vingt quatre heures du jour parties de douze en douze, du nord au Su, et du Sud au nort, le huictiesme demonstre les trois cens soixante degrez du Zodiaque divisés en quatre quarts de quatre vingts dix degrez.