Et que les grandes navigations des Carthaginois qui ont dit avoir descouvert l'amérique ne sont que chimères. De cela et semblable dicours sont remplis les livres de ceux qui tiennent lune et l'autre oppinion. Quand à moy, je tiens que les Anciens ont eu une grande congnoissance de ces arts et de ce qu'il a esté illustré depuis cent ans na esté que pour ingnorance qui avoit couvert la face de la terre et que cest art antique qui nestoit qu'une caballe se baillant de main en main cestoit perdu par succession de temps Mais Dieu voulant que le nouveau monde feust descouvert susdicts les hommes pour renouveller ceste ancienne congnoissance, Slané daupres de Naples feust le premier qui de nostre siecle s'apperceut que le fer frotté de laymant avoit des directions et de là en ayant cerné l'usage de l'esguille touchée de laymant avec laquelle les Portugais commencèrent à costoier les costes de l'affricque se servant lors de douze vents seullement suivant l'antique division. Mais comme cest art estoit en son enfance vint un certain "Stament" qui inventa la Roze du Bussole avec les trente deux vents qui feust trouvés sy commode et ingenieux pour la navigation que toutes les nations quitterent leur ancienne mode pour se servir dicelles.KEn ce temps là Dieu suscita Christophe Coulomb Genevois qui …………. Du Roy de Castille, nommé Ferdinand et de la Royne Ysabelle sa femme feust le premier qui traça le chemin en ceste grande mer occeane et qui descouvrist les Indes Occidentales incongnues auparavant de tout le monde. Ceste descouverture invita plusieurs à entreprendre divers voiages comme nous pouvons remarquer cela plus amplement. Lors les beaux esprits commancerent à reduire en art ceste navigation. Et le premier qui inventa l'usage de la carte à ce que lon tient feust un Prince de Portugal qui sestoit retiré pour vivre solitairement à l'abbaye qui est au Cap Sainct Vincent et feust suivy en ceste invention de medine et d'autres de nostre temps desquels nous nen parlerons à present.Le Monde se prend en diverse signiffications selon les professions et les subiectz de ceux qui en traictent Car comme ainsy soit que monde soit une belle ordonnance selon l'ethimologie du nom Cosmos Touttefois les theologiens le prennent en un autre sens Car quand ils parlent du monde ils entendent toujours la terre habitable et cest en ce sens que le vulgaire lentend disant que nous sommes au monde, nous en sortirons, il est assez deffiny par les theologiens.
Retour Page1 P. 2 P. 3 P. 4 P. 5 P. 6 P. 7 P. 8 P. 9 P. 10 P. 11 P. 12 P. 13 P. 14 P. 15 P. 16 P. 17